Navê pirtûkê: Xaşxaş
Nivîskarê pirtûkê: Rengîn Karadelen
Hejmara rûpelan: 67
Kurteya pirtûkê:
Xaşxaş berhemeke ku bi hestên kurdewar û wêjeyeke kûr hatiye nivîsandin û li ser xîmê dostînî, bêrîkirin û hevaltiyê hatiye avakirin. Mirov di her rêzikeke wê de birîneke kûr û bêrîkirina rêheval, dost û welatê hatî wêrankirin dibine. Bi xwendina her rêzikekê re carinan mirov di nava dûkêla cigareya Burhan Karadenîz de winda dibe, carinan di nava xirbeyên bajarekî wêrankirî de xwe dibine û carinan di nava vîzêna bayekî berbangan ku li zozanekê, li kêleka kaniyekê bejna kulîlkeke narîn dihejîne paşî bêhna wê kulîlkê dide ber xwe û xwe berdide nevaleke kûr de winda dibe. Nivîskar, bi hevok û nivîsên kurt êş û janên mezin, bêrikirin û kêfxweşiyên mezin dariştine ser kaxizê û pêşkêşî xwendevan kirine.
