Hozan Mizgîn bi jiyan, têkoşîn û berxwedana xwe bû sembola şehîdên tevgera çand û hunerê. Ew bû dengê rastiya Kurd.
Gurbet Aydın di sala 1965an de li gundê Bileydera ya Batmanê hate dinê.
Hozan Mizgîn tenê çend salan çû dibistanê, ji ber ku malbata wê ji ber zexta feodal a li ser jinan destûr neda ku xwendina xwe bidomîne. Wê qet jiyana ku li ser wê hatiye ferzkirin qebûl nekir. Di temenê xwe yê biçûk de Tevgera Azadiya Kurd nas kir û di sala 1980an de tevlî têkoşîna azadiyê bû. Bi dil û can ramanên Rêberê Gelê Kurd Abdullah Öcalan dipejirîne û çû Lubnanê da ku wî bibîne.
Bi dîtina dengê xweşik ê Hozan Mizgîn, Abdullah Öcalan ew ji bo xebatên çandî û hunerî şand Ewropayê. Li Ewropayê wê bi Şehîd Hozan Sefqan re tevgera çandî ava kir û bû yek ji endamên Koma Berxwedanê. Wê perwerdehiya îdeolojîk jî dît.
Ew ne tenê hunermendek bû, ew dema pêwîst bû bû fermandar, şervanek, û her tiştê ku ji bo azadiya Kurdistanê pêwîst bû dikir.
Piştî vegera ji Ewropayê bo Kurdistanê, Gurbet Aydın li Başûrê Kurdistanê û li parêzgeha Mêrdînê xebatên rêxistinî pêk anî.
Bi helwesta xwe ya bi biryar û dilnizm di demek kurt de hezkirina gel bi dest xist. Wê girse organîze kir û têkiliyên berfireh û serketî ava kir.
Hozan Mizgîn di nav hevalên xwe de jî pir populer bû. Ji ber bandora xwe ya mezin li ser gel, ew bû hedefa dijmin.
Hunermenda şoreşger û fermandara efsanewî di 11ê Gulana 1992an de, piştî berxwedanek mezin, li Tetwanê şehîd bû.
Bi hezaran zarokên Kurd, ku bi deng û muzîka Hozan Mizgîn mezin bûn, îro bi giyanê wê şer dikin û li ber xwe didin.
