Mestûre Erdelan wek helbestvan, nivîskar û dîroknas tê nasîn. Ew di sala 1805’an li bajarê Îranê Senendecê tê dinya yê. Bi zimanê Kurdî, Farsî û Erebî nivîsên dîrokî û gelek hûnera xwe bi helbestan li pey xwe hîştine. Mestûre tevî malbata xwe koçê Silêmanî dibe û li gel mîrtiya baban bi cih dibin. Mestûre Erdelanî bi jêhatiya xwe a di warê helbestan de karî ku di demeke pirr kin de ciheke girîng di nav helbestvanên dema xwe de bigire û li hemberê wan bi sekneke bi hêz di warê dîroknasiyê de jî gav bavêje û serketî be. Mestûre Erdelanî ku wek Mah Şeref Xan jî tê nasîn di hefdeh saliya xwe de û ji neçariyê bi Xosro Xanê kurê Êmamollah xanê mezin re tê zewicandin. Sala 1834’an hevserê wê ji nexweşîya kezebê di 29 salîya xwe da jiyana xwe ji dest dide.
